Órtte qaza tapqan Nazarbaev Ýnıversıteti professorynyń artynda eki qyzy qaldy
ASTANA. QazAqparat - Qaıtys bolǵan Nazarbaev Ýnıversıtetiniń professory Elaıdj Kehındeniń artynda taǵy eki qyzy qaldy, dep habarlaıdy «QazAqparat» HAA.
Dosynyń qazasy jaıly qaıǵyly oqıǵany onyń dosy Emmanýel Fashahın óziniń Feısbýktegi paraqshasynda jarııalady.
«Qatty qaıǵyra otyryp, aǵamdaı bolǵan dosym, synyptasym, hırýrg-ýrolog, professor Elaıdj Oladýnnı Kehınde jáne onyń áıeli men 17 jáne 8 jastaǵy eki qyzynyń qazasy jaıly habarlaımyn. Olar 2017 jyldyń 14 shildesi, juma kúni tańǵy 5-te Astanadaǵy páterlerinde bolǵan órt saldarynan ajal qushty. Ol jaqsy adam bolatyn, Qazaqstanda joǵary medıtsına mektebin qurý úshin shaqyrýmen keldi, alaıda, bul elde bir jyl jumys istegennen keıin qaıǵyly oqıǵanyń qurbany boldy», - dep jazdy ol. 
Onyń aıtýynsha, Ibadan Medıkos qyzmetkerleri men oqytýshylary jáne Ibadandaǵy University College Hospital ýnıversıtetiniń túlekterine professorlary jetispeıtin bolady.
«Professordyń artynda taǵy eki úlken qyzdary Emısı men Olaıtýn qaldy. Onyń jáne áıeli men eki kishkentaı qyzdarynyń jany máńgilik ómirlerinde tynyshtyq tapsyn», - dep jazdy dosy.
Eske salsaq, 14 shildede «Haıvıl» turǵyn úı kesheniniń 9-qabatyndaǵy páterde órt shyqty . Saldarynan 4 adam kóz jumdy, onyń ekeýi bala.
Astana qalalyq ІІD-niń anyqtaýynsha, qaza tapqandardyń sheteldikter ekeni málim boldy.
Kendjı Elaı 2016 jyldyń maýsym aıynan beri Nazarbaev Ýnıversıtettiń Medıtsına mektebinde professor bolyp jumys istegen. Ol Lester ýnıversıtetiniń (Ulybrıtanııa) Medıtsına doktory dárejesin alǵan jáne 40 jyldan astam ýaqyt boıy Nıgerııada, Omanda, Kýveıt pen Ulybrıtanııada medıtsına salasynda ǵylymı-zertteý jáne ustazdyq qyzmetpen aınalysqan. Bul ýaqyt aralyǵynda jeti ǵylymı-zertteý grantyn jeńip alyp, júzege asyrǵan.
Professormen birge onyń áıeli jáne eki qyzy da mert boldy.
