Órtte 32 jastaǵy er adam men zeınetker kóz jumdy - QR TJM
ASTANA. 19 qyrkúıek. QazAqparat - Órt kezinde 32 jastaǵy er adam men zeınetker kóz jumdy, dep habarlandy QR TJM-niń baspasóz qyzmetinen.
Keshe, seısenbide Qostanaı qalasynyń Tobolskaıa kóshesiniń boıynda ornalasqan jekemenshik turǵyn úıde órt boldy. Jalyn 6 sharshy metr aýmaqty sharpydy. Órt ornynda 32 jastaǵy er adamnyń máıiti tabyldy. Tilsiz jaýdy aýyzdyqtaýǵa QR TJM Qostanaı oblysy boıynsha TJD órtke qarsy qyzmetiniń 8 adamy men 2 tehnıkasy jumyldyryldy.
Sol kúni Soltústik Qazaqstan oblysynyń Beshkól aýylynda Abaı kóshesi boıyndaǵy 2 páterli jekemenshik úı órtendi. Byqsyp jatqan matratstyń saldarynan tútin basqan páterde 87 jastaǵy zeınetkerdiń máıiti tabyldy. Jalyn jergilikti turǵyndarmen sóndirildi. Órt sóndirý qyzmeti shaqyrylmady.
