Órtke oranǵan Norman Atlantic paromyn súırep kele jatqan arqan úzilip ketti
ASTANA. QazAqparat - Italıandyq Marietta Barretta kemesiniń Ion teńizinde Norman Atlantic paromyn súırep kele jatqan arqany úzilip ketti, dep habarlady RIA Novostı.
Qazir kemeni Norman Atlantic paromynyń qasyndaǵy tórt tirkeýdiń birine qaıtadan jalǵaýǵa tyrysýda. Budan keıin parom ıtalıandyq Brındızı aılaǵyna jetkilmek.
Grekııadan Italııaǵa jol tartqan paromdaǵy órt jeksenbi kúni tańerteń erte garajdyq bólimnen shyqty. Keme jana bastaǵan kezde onda 470-ke tarta adam boldy, sonyń ishinde 410 jolaýshy bar. Jalyndy ishinara baqylaýǵa alýdyń sáti tústi.
Tótenshe oqıǵa saldarynan bir adam mert boldy jáne birneshe adam zardap shekti. Italııa Áskerı-teńiz kúshteriniń sońǵy málimetteri boıynsha, kemeden 190 adam qutqaryldy, bortta áli 287 jolaýshy men ekıpaj músheleri qalyp otyr.
Túni boıy júrgiziletin qutqarý operatsııasyna Grekııa, Italııa, Albanııa qatysýda, barlyq úderiske ıtalıandyq jaǵalaý kúzeti basshylyq etýde.
