Órtke oranǵan mektepten júzdegen adam syrtqa shyǵaryldy
ASTANA. QazAqparat - Fındik Koývol qalasynda janyp jatqan mektepten birneshe júzdegen adam qutqaryldy.
Bul týraly «ıÝLE» telekompanııasy habarlady.
Mektep ǵımaraty qala ortalyǵynda ornalasqan, qazirgi ýaqytta ol aýmaq qorshaldy, óıtkeni tilsiz jaýdy aýyzdyqtaý múmkin bolmaı jatyr, órt oshaǵy jaıylyp barady. 600-ge jýyq oqýshy, qyzmetkerler syrtqa shyǵaryldy, arasynda aýyr jaraqat alǵan eshkim joq, 7 adamǵa oqıǵa ornynda kómek kórsetildi.
Kýágerlerdiń aıtýynsha, órt dene shynyqtyrý kabınetinde shyqqan. "Koývolan sanomat" gazeti habarlaǵandaı, tilsiz jaý kondıtsıonerlerdiń biriniń tuıyqtalýynan oryn alǵan.
Oqý ornynyń dırektory Tapıo Karvonen mektepti qalpyna keltirý jazǵa deıin sozylýy múmkin dep qaýiptenip otyr.
