Órtke oranǵan Aýstralııada jańbyr jaýdy
NUR-SULTAN. QazAqparat – Shyǵys Aýstralııada kópten kútken jańbyr jaýdy. Bılik ókilderiniń aıtýynsha, bul jańbyr 28 adam men mıllıardqa jýyq janýar túrleriniń ómirin qıǵan orman órtin toqtatýǵa, tym bolmaǵanda baqylaýǵa alýǵa kómektesedi, dep habarlaıdy QazAqparat Euronews.com-ǵa silteme jasap.
Tilsiz jaýdyń beleń alýyna uzaqqa sozylǵan qurǵaqshylyq sebep boldy. Klımatologtar ony jahandyq jylynýmen baılanystyrady. Aýstralııadaǵy orman órti qyrkúıek aıynan beri toqtamaı jatyr. Jeltoqsanda eldegi ortasha temperatýra 42 Tselsıı gradýsqa jýyqtady. Qyzyl jalyn 2000 úı men 10 mln gektar ormandy joıdy. Bul Portýgalııa jáne Ońtústik Koreıa sekildi elderdiń jalpy aýmaǵynan da kóp. Qazirgi ýaqytta surapyl órt Jańa Ońtústik Ýels ońtústik-shyǵys shtatynda jalǵasyp jatyr.
Qańtardaǵy jańbyr aýany tútinnen tazartyp Melbýrn turǵyndarynyń keń tynystaýyna múmkindik berdi. Sınoptıkterdiń boljaýynsha, Jańa Ońtústik Ýelstegi jaýyn –shashyn aptanyń sońyna deıin jalǵasady.
