Órtke oranǵan «Astana-Saryaǵash» poıyzy saparyn jalǵastyrdy
ASTANA. QazAqparat - Búgin túste órt shyqqan «Astana-Saryaǵash» baǵytyndaǵy №86 jolaýshylar poıyzynyń vagony almastyryldy. Poıyz qozǵalysyn qaıta jalǵastyrdy.
Bul týraly QTJ «Jolaýshylar tasymaly» AQ UK baspasóz qyzmetinen habarlady.
2017 jyldyń 9 naýryzy kúni Qaraǵanózek-Qarabas aralyǵynda «Astana-Saryaǵash» baǵytyndaǵy №86 jolaýshylar poıyzynyń vagonynda órt shyqty. «Zardap shegýshiler joq. Oqıǵanyń sebebi anyqtalýda, sodan keıin tıisti sharalar qoldanylady», - delingen taratylǵan málimette.
Buǵan deıin habarlanǵandaı, poıyz qyzmetkerleri jolaýshylardy óz kúshterimen evakýatsııalap, órtke oranǵan vagondy tirkeýden aǵytqan edi. Órttiń jalpy aýmaǵy 30 sharshy metrdi qurady, 3 kýpe, elektrqalqany, tósek-oryn jabdyqtary janyp ketti.
