Órtengen jedelsatyda qamalyp qalǵan áıel qutqaryldy
NUR-SULTAN. QazAqparat - Búgin elordadaǵy Aınakól kóshesindegi úılerdiń birinde jedelsaty órtenip, ishinde áıel qamalyp qalǵan, dep habarlaıdy QazAqparat TJM baspasóz qyzmetine silteme jasap.
«Búgin, 26 shildede saǵat 15:20-da elordalyq qutqarýshylar Aınakól kóshesindegi úılerdiń birinde jedelsaty órtengeni jónindegi habarlama boıynsha shaqyrtýǵa shyqty. Oqıǵa ornyna dereý jetken órt sóndirýshiler jedel satyda elektr symdarynyń qysqa tuıyqtalǵanyn anyqtaǵan. 12 jáne 13 qabat aralyǵynda jedelsatynyń ishinde 1957 jyly týǵan áıel adamnyń qalyp qoıǵany belgili boldy. Órt sóndirýshilerdiń jedel ári úılesimdi jumystarynyń arqasynda áıel adam aman-esen jedelsatydan shyǵarylyp, oǵan alǵashqy kómek kórsetildi. Odan keıin ol medıtsınalyq brıgadaǵa tapsyrylǵan. Osylaısha, elordalyq №10-ÓSB órt sóndirý bóliminiń bólimshe komandıri Janat Shaltaev pen órt sóndirýshisi Qýat Qazbekov óz jumystaryn minsiz atqaryp, adam ómirin saqtap qaldy. Jedel
kórsetilgen kómek úshin qutqarylǵan áıeldiń qyzy qutqarýshylarǵa óz alǵysyn bildirdi», - delingen vedomstvo málimdemesinde.
Vıdeodan alynǵan kadr
