Órtengen əıeldiń týysqandary sýdıa Serimovti bosatýdy surady
ALMATY. QazAqparat - Almatyda úıin bermeı ózin-ózi órtep jibergen əıeldiń týysqandary sýdıa Ómirzaq Serimovti sottamaýdy ótindi, dep habarlaıdy QazAqparat tilshisi sot zalynan.
Serimovtiń qorǵaýshysynyń aıtýynsha, eki jaq ózara kelisimge keldi.
"Meniń qorǵaýymdaǵy azamattyń oıynda qylmystyq oı-pıǵyly bolmaǵan",- dedi qorǵaýshy
Aryzdanýshy Aınur Omarbaeva Serimovti sot arqyly qýdalaýdy doǵarýdy ótindi.
"Materıaldyq shyǵyn óteldi. Úkim shyǵarǵanda osyny eskerýińizdi suraımyn", - dedi japa shegýshiniń ókili.
Alaıda, prokýror advokattyń ótinishin qanaǵattandyrýsyz qaldyrýdy ótindi.
Aıta ketý kerek, qaıǵyly oqıǵa 2012 jyly bolǵan edi. 5 balanyń anasy, 57 jastaǵy áıel Svetlana Turǵambaeva úıin tartyp alýǵa kelgen sot oryndaýshylarynyń, kórshileriniń, otbasynyń aldynda benzın quıyp, ózin-ózi órtep jibergen bolatyn.
Denesiniń 85 paıyzyn kúıik shalǵan áıel aýrýhanada úsh kúnnen soń qaıtys boldy.
Qorjymbaevtar otbasy bul úıdi 2010 jyly 6 sáýirde Myńbaeva Baıan degen kelinshekten satyp alǵan. Aldyńǵy qojaıyny ony azamattyq nekedegi kúıeýi qaıtys bolǵanda mura retinde rásimdep alǵan eken. Myńbaevanyń nekesin Alataý aýdanynyń sýdıasy Ómirzaq Serimov 2009 jyly zańdy dep tapqan.
Bir jyldan soń qaıtys bolǵan er adamnyń inisi Masaqov Mıllethan «men jalǵyz muragermin» dep aryzdana bastaıdy. Sodan soń sýdıa Serimov óziniń nekeni zańdy dep tapqan sheshimin joqqa shyǵarady.
Sonyń kesirinen Myńbaeva zańdy murager bolmaǵandyqtan, Qorjymbaevtardyń satyp alý týraly sharty da zańsyz dep tanylady.
Úıdiń burynǵy ıesi men Myńbaevanyń nekesin zańdy dep tapqan, keıin óziniń sheshimin qaıtyp alǵan Alataý aýdanynyń sýdıasy Ómirzaq Serimov qaıǵyly oqıǵadan soń 2 aıdan keıin jumysyna jaramsyz dep, qyzmetinen shettetiledi.
Qazir Alataý aýdanynyń burynǵy sýdıasy Ómirzaq Serimov QR QK 350-babynyń 2-bólimi, 307-babynyń 4-bólimi boıynsha óziniń ókilettigin asyra paıdalanyp, kórineý ádiletsiz sheshim shyǵarǵany úshin aıyptalyp otyr.
