Órtengen sabandy sóndirmek bolǵan qostanaılyq kúıip qaldy
QOSTANAI. QazAqparat - Qarabalyq aýdanyndaǵy aýyldardyń birinde saban teńderi janyp jatqan kezde 1956 jylǵy er adam zardap shekti, dep habarlaıdy QazAqparat tilshisi Qostanaı oblystyq TJD baspasóz qyzmetine silteme jasap.
Oqys oqıǵa Qarabalyq aýdany Smırnovka aýylynda keshe keshkisin bolǵan.
«Dıspetkerlik qyzmetke úıdiń aýlasynda 5 sharshy metr alańda teńderi bar sabandardyń janyp jatqany týraly habar túsken. 1956 jylǵy azamatty 2-shi deńgeıli kúıikpen aýdandyq aýrýhanaǵa jetkizgen», - dep túsindirdi TJD-da.
Órt temeki tartý kezinde qaýipsizdik talaptaryn saqtamaýdan shyqty degen boljam jasaldy.
Er adamnyń betin, sol qolyn, bóksesin, aıaqtaryn kúıik shalǵan.
