Órtengen munaı rezervýarynyń ekologııaǵa tıgizgen zalaly úshin aıyppul salyndy - Aqtóbe oblysy
AQTÓBE. QazAqparat – Jańajol ken ornyndaǵy munaı qaldyǵyna arnalǵan rezervýar órtenip, ekologtar jospardan tys tekserý júrgizdi, dep habarlaıdy QazAqparat tilshisi.
«SNPS-Aqtóbemunaıgaz» AQ-nyń Jańajol munaı-gaz óńdeý kesheninde rezervýar órtendi . Oqıǵa 8 qańtar kúni saǵat 18:20-da tirkelgen. Órt arada 4 saǵat ótkende sóndirildi. Osy oqıǵadan keıin Aqtóbe oblystyq ekologııa departamenti topyraq pen aǵyndy sýdyń synamasyn aldy.
«Qorshaǵan ortany, topyraqty munaı ónimderimen lastanǵany úshin «SNPS-Aqtóbemunaıgaz» AQ-na Ákimshilik quqyqbuzýshylyq kodeksiniń «Qorshaǵan ortany qorǵaý jónindegisanıtarııalyq-epıdemıologııalyq jáne ekologııalyq talaptardy buzý», «Ekologııalyq ruqsatta kórsetilgen tabıǵat paıdalaný sharttaryn oryndamaý», «Jerdi búldirý» baptary boıynsha 1,7 mıllıon teńge aıyppul salyndy. Sonymen qatar qorshaǵan ortaǵa ekonomıkalyq shyǵyn keltirgeni úshin 1,4 mıllıon teńge tóleý týraly uıǵarym berildi. Ekeýi de tolyq óndirildi», - dedi oblystyq ekologııa departamenti basshysynyń orynbasary Erbolat Qojyqov.
