Órtengen kólikti qyzyqtaýǵa barǵan birneshe adam jarylys qurbany boldy
ASTANA. QazAqparat - Nıgerııada gaz tasymaldaıtyn kólik jarylyp, saldarynan 35 adam qaza taýyp, júzden astam adam zardap shekken. Bul týraly dúısenbide Reuters agenttigi jergilikti tótenshe jaǵdaılar qyzmetiniń ókiline silteme jasap habarlady.
«Biz 35 adamnyń qaza tapqanyn jáne júzden astam adamnyń jaraqat alǵanyn rastaımyz. Qaza tapqandardyń basym bóligi - oqıǵa ornyna ne bolǵanyn kórý úshin júgirip kelgender», - dedi ókil.
Reıter aqparaty boıynsha, oqıǵa eldiń ortalyq bóligindegi Nasarava shtatynda janarmaı quıý stansasyna jaqyn mańda bolǵan. Jarylystyń sebebi ázirge belgisiz.
