Órtengen kólikten er adamnyń máıiti tabyldy - Pavlodar
PAVLODAR. QazAqparat - Pavlodar qalasyna qarasty Kenjekól aýylynyń shetinde órtengen kólik ishinen er adamnyń máıiti tabyldy. Bul týraly oblystyq ІІD baspasóz qyzmeti málim etti, dep habarlaıdy pavlodarnews.kz .
«2017 jylǵy 6 jeltoqsanda Kenjekól aýylynyń shetinde órtenip ketken «Audi-80» markaly avtokóliginiń salonynan júrgizýshiniń máıiti tabyldy. Osy fakti sotqa deıingi tergep-tekserýdiń biryńǵaı tizilimine tirkeldi, sot-medıtsınalyq saraptama taǵaıyndaldy. Qaza tapqan adam 25 jastaǵy Aqsý qalasynyń turǵyny bolyp shyqty. Ol aǵymdaǵy jyldyń 4 jeltoqsanynan bastap habar-osharsyz joǵalǵan retinde izdestirýde bolǵan», - delingen habarlamada.
