Órtengen benzın tasymaldaıtyn kólik mańynda bolǵan júzge jýyq adam ajal qushty
ASTANA. 13 shilde. QazAqparat - Jol-kólik apatynan jarylǵan benzın tasymaldaıtyn kólikten tógilgen suıyq otyndy jınaýǵa barǵan nıgerııalyq tonaýshylar aıaq astynan paıda bolǵan órttiń qurbandary boldy,
dep habarlaıdy Reuters .
Kýágerlerdiń málimetterine sáıkes, az degende 92 adam qaza tapty, olardyń arasynda áıelder men balalar da bolǵan. Bul rette jergilikti polıtsııa qaza tapqandardyń sany odan da kóp bola alatynyn aıtady, óıtkeni qazirgi kezde qaza tapqandardy sanaý múmkin emes.
Oqıǵa Nıger ózeniniń atyraýyndaǵy Okogbe qalasynyń aýdanynda oryn aldy.
