Órtengen avtobýsta 20 adam tirideı janyp ketti
ASTANA. QazAqparat - Taılandtyń Tak provıntsııasynda Mıanmadan shyqqan 47 jolaýshysy bar avtobýs órtenip, 20 adam qaza tapty. Olardyń barlyǵy eńbek mıgranttary bolǵan, dep habarlaıdy The Nation gazeti.
Avtobýs Taılandqa zańdy túrde kele jatqan. Beısenbiden jumaǵa qaraǵan túni ol belgisiz sebeptermen jana bastaǵan.
Apattan aman shyqqandardyń sózine qaraǵanda, órt salonnyń ortasynda tutanyp, kózdi ashyp-jumǵansha avtobýstyń artqy bóligin áp-sátte sharpyǵan. Sondyqtan artqy oryndyqtarda otyrǵandar syrtqa shyǵa almaǵan. Júrgizýshi avtobýsty shuǵyl toqtatyp, áıelimen birge syrtqa shyqqan. Artynsha kómekshi júrgizýshisi men 24 jolaýshy shyǵyp úlgergen. Gazettiń habarlaýynsha, 20 adam tirideı janyp ketken.
Qaıǵyly oqıǵa boıynsha tergep-tekserý júrip jatyr.
