«Orteke» ІІ Halyqaralyq qýyrshaq teatrlary festıvaliniń jeńimpazdary anyqtaldy

25-27 qazan aralyǵynda Ǵ. Músirepov atyndaǵy Qazaq memlekettik balalar men jasóspirimder teatrynyń sahnasynda 7 teatr óz qoıylymdaryn kórsetti, olar: Ońtústik Qazaqstan oblystyq qýyrshaq teatry (Qazaqstan Respýblıkasy), Chkalovsk q. Memlekettik qýyrshaq teatry (Tájikstan Respýblıkasy), M. Janǵazıev atyndaǵy Qyrǵyz memlekettik qýyrshaq teatry (Qyrǵyz Respýblıkasy), «Ekııat» Tatar memlekettik qýyrshaq teatry (Reseı Federatsııasy, Tatar Respýblıkasy), Aqtóbe oblystyq «Alaqaı» qýyrshaq teatry (Qazaqstan Respýblıkasy), Іzmir q. teatry (Túrik Respýblıkasy), Mańǵystaý oblystyq qýyrshaq teatry (Qazaqstan Respýblıkasy).

Marek Vashkel (Polsha) tóraǵalyǵyndaǵy qazylar alqasy birneshe nomınatsııa boıynsha jeńimpazdardy anyqtady:

«Eń úzdik spektakl» nomınatsııasy boıynsha M. Janǵazıev atyndaǵy Qyrǵyz memlekettik qýyrshaq teatry «Tomogo» spektakli (Qyrǵyzstan Respýblıkasy) úshin marapattaldy.

«Eń úzdik rejısserlik jumys» nomınatsııasy boıynsha Mańǵysaý oblystyq qýyrshaq teatry «Adamdar-Qustar» spektakli úshin Bekbolat Parmanov (Qazaqstan Respýblıkasy) marapattaldy.

«Eń úzdik akterlik jumys» nomınatsııasy boıynsha «Mirjan men Ahmet» spektaklindegi Ana roli úshin Ońtústik Qazaqstan oblystyq qýyrshaq teatrynyń aktrısasy Uljalǵas Táshibekqyzy (Qazaqstan Respýblıkasy) marapattaldy.

«Eń úzdik sýretshi jumysy» nomınatsııasy boıynsha Aqtóbe oblystyq «Alaqaı» qýyrshaq teatry «Tizginińdi bosat ta, qustaı samǵa!» spektakliniń qoıýshy-sýretshisi Ásııa Qurmanalına (Qazaqstan Respýblıkasy) marapattaldy.

«Ulttyq dramatýrgııany tabysty meńgergeni úshin» nomınatsııasy boıynsha «Adamdar-qustar» spektakli úshin Mańǵystaý oblystyq qýyrshaq teatry (Qazaqstan Respýblıkasy) marapattaldy.

«Spektakldiń eń úzdik mýzykalyq kórkemdelýi» nomınatsııasy boıynsha «Qamyr batyr» spektakliniń mýzykasy úshin «Ekııat» Tatar memlekettik qýyrshaq teatry (Reseı Federatsııasy, Tatar Respýblıkasy) marapattaldy.

Qazylar alqasy músheleriniń biraýyzdan qabyldanǵan sheshimimen jeńimpaz bolmaýyna baılanysty «Festıval jańalyǵy» nomınatsııasy berilmeıdi.

Sonymen qatar qazylar alqasy Іzmir q. teatryn «Teńiz qyzy» jáne Chkalovsk q. Memlekettik qýyrshaq teatrynyń ujymyna «Gúlrang pen Hýshrang» spektaklderi úshin «Orteke» ІІ Halyqaralyq qýyrshaq teatrlary festıvaliniń arnaıy dıplomyn tabys etti.