Ortasha jyldamdyqty esepteý tásili kólik apattarynyń sanyn 10 paıyz azaıtqan

ASTANA. KAZINFORM — Bul týraly «QazAvtoJol» ulttyq kompanııasy» aktsıonerlik qoǵamynyń basqarma tóraǵasy Darhan Imanashev Úkimet otyrysynda aıtty.

— Ortasha jáne belgilengen jyldamdyqty esepteý mehanızmin engizý nátıjesinde jol boıyndaǵy qaýipsizdik artyp, jol-kólik oqıǵalarynyń sany shamamen 10% tómendedi. Bul rette kólik aǵymy 45 mıllıonnan 54 mıllıonǵa deıin, ıaǵnı 20% ósti, — dedi ol.

Kompanııa basshysy elektrondyq kezek júıesimen ıntegratsııalaý jumystarynyń arqasynda sheteldik júk kólikterinen túsetin tólem eki ese artqanyn málim etti.

— Jol aqysyn ekinshi deńgeıli Kaspi, Halyk jáne Freedom bankteriniń qosymshalarymen tóleý múmkindikteri keńeıtilip, sondaı-aq Kassa24 jáne QIWI sekildi tólem operatorlarymen tolyqty. Respýblıkalyq avtojoldardaǵy qozǵalysty ashý, shekteý týraly ózekti habarlamar ıAndeks Kartalar, EkiGIS jáne InDrive platformalaryna avtomatty túrde júktelip otyr, — dedi Darhan Imanashev.

Buǵan deıin «QazAvtoJol» kompanııasynyń aqyly joldardan alatyn qarajatyn jaýapty organdar jyl saıyn tekseretini aıtylǵan bolatyn. 

Sonymen qatar «QazAvtoJol» ulttyq kompanııasy» aktsıonerlik qoǵamynyń basqarma tóraǵasy Darhan Imanashev aqyly joldardan túsken aqshany qaıda jumsap jatqandaryn túsindirdi.