Ortasha jyldamdyqty asyrǵan júrgizýshilerge aıyppul qashan salynady

ASTANA. KAZINFORM – Qazaqstandaǵy respýblıkalyq mańyzdaǵy avtojoldarda ár kóliktiń ortasha jyldamdyǵyn ólsheıtin arnaıy júıe ornatylyp jatyr.

«Qazir bizdiń kameralardy Ákimshilik quqyq buzýshylyqtyń biryńǵaı tizilimi júıesine qosyp ornatý júrip jatyr. Jeltoqsan aıynyń ortasyna qaraı bul ıntegratsııany aıaqtaımyz dep oılaımyn. Osydan keıin ereje buzý derekterin esepke alý bastalady», - dedi Kólik mınıstri Marat Qarabaev Parlament Májilisinde tilshiler suraǵyna jaýap bere otyryp.

Mınıstr bul kameralar jol erejesin óresken buzatyn adamdardy anyqtaý maqsatynda qoıylyp jatqanyn aıtty.

Onyń sózine qaraǵanda, «Astana-Býrabaı» jolynda saǵatyna 140 km jyldamdyqpen júrýge ruqsat etilgen. Alaıda osy jolda saǵatyna 200 km-den joǵary jyldamdyqpen júrip ótken anyqtalǵan.

Sonymen qatar M. Qarabaev qala ishindegi joldarda ortasha jyldamdyqty baqylaıtyn júıe ornatylmaıtynyn atap ótti.

Osyǵan deıin zańnamaǵa «kóliktiń ortasha jyldamdyǵy» túsinigi engizilip, bul tártip úlken tas joldarda qoldanylýy múmkin ekenin jazǵan edik.