Ortasha jyldamdyq baqylaýy taǵy úsh aqyly trassada engiziledi – Kólik mınıstrligi
ASTANA. KAZINFORM — Qazaqstanda aqyly avtojoldardaǵy ortasha jyldamdyqty baqylaý júıesi keńeıtilip, taǵy úsh baǵytta iske qosylady. Bul týraly Úkimettegi brıfıngte Kólik mınıstrligi Avtomobıl joldary komıteti tóraǵasynyń orynbasary Baıahmet Maqsat málim etti.
Onyń aıtýynsha, joldaǵy jyldamdyqty ólsheý tehnologııasy kezeń-kezeńimen engizilip jatyr.
— Ortasha jyldamdyq aqyly avtojol ýchaskelerinde engiziledi, qazirgi tańda olardyń jalpy uzyndyǵy 4,9 myń shaqyrymdy quraıdy. Negizgi baǵyttar — Qaraǵandy – Almaty, Óskemen – Taldyqorǵan jáne Qorǵas – Almaty baǵyttary. Osy ýchaskelerde júıeni engizý jumystary júrgizilip jatyr, — dedi ol.
Mınıstrlik málimetinshe, ortasha jyldamdyqty baqylaý engizilgen ýchaskelerde jol-kólik oqıǵalarynyń sany 15 paıyzǵa azaıǵan.
Eske sala keteıik, buǵan deıin bıyl Qazaqstanda 6 jańa aqyly jol ýchaskesi engizilýi múmkin ekenin jazdyq.
