Ortasha merzimdi tarıfter boıynsha qyzmet kórsetetin sýbektiler sany 3 esege ósti - N. Aldabergenov
ASTANA. Qarashanyń 2-si. QazAqparat /Qanat Mámetqazyuly/ - Ótken on aıda ortasha merzimdi tarıfter boıynsha qyzmet kórsetetin sýbektiler sany byltyrǵy jylmen salystyrǵanda 3 esege ósti.
Búgin QR Parlamenti Májilisinde ótken Úkimet saǵatynda QR Tabıǵı monopolııalardy retteý agenttiginiń tóraǵasy Nurlan Aldabergenov osylaı málim etti, dep habarlaıdy QazAqparat.
«Aǵymdaǵy jyldyń on aıynda ortasha merzimdi tarıfter boıynsha qyzmetter kórsetetin sýbektilerdiń sany ótken jylmen salystyrǵanda 3 ese ósip, 15 tabıǵı monopolııa sýbektisin qurady. Sonymen birge, osy jyldyń sońyna deıin taǵy da 8 sýbekti boıynsha ortasha merzimdi tarıfter engiziletin bolady. Osylaısha, tutynýshylar úshin tarıfterdiń turaqtylyǵy men boljamdylyǵy, aktıvterdi jańǵyrtýǵa ınvestıtsııalar salý esebinen qyzmetterdiń sapasyn kóterý jumystary qamtamasyz etiletin bolady», dedi Nurlan Aldabergenov.
Sonymen birge, tóraǵa ótken jyly qabyldanǵan zań boıynsha sýbektilerde ınvestıtsııalyq baǵdarlamalardyń bolýy mindetteletinin atap ótti. Budan basqa, qoldanystaǵy zań normasyna sáıkes, Agenttik shıkizat pen materıaldar shyǵysynyń normalaryn bekitý qyzmetterin de atqaryp keledi. «Osyǵan oraı, ótinimderdi qaraý qorytyndylary boıynsha jyl basynan beri 135 sýbektidegi shıkizat pen materıaldar shyǵysynyń normalary tómendetildi. Bunyń arqasynda tutynýshylar rettelip kórsetiletin qyzmetterge aqy tólegende shamamen 585 mln. teńge qarajattaryn únemdedi. Al sýbektilerdiń ákimshilik shyǵystary 345 mln. teńgeden astam somaǵa qysqartyldy. Bul qarjy resýrstary daǵdarysqa qarsy sharalardy iske asyrýǵa jáne basym baǵyttaǵy ınvestıtsııalyq jobalardy qarjylandyrýǵa jumsaldy», dedi N. Aldabergenov.
