Ortamyzdan ketken perzentterimizdi áli kúnge deıin el bolyp ulyqtaı almaı júrmiz - Áshirbek Syǵaı
ALMATY. Naýryzdyń 25-i. QazAqparat /Erlik Erjanuly/ - Biz ómirden ótken óner adamdarynyń istegen eńbegin ne artynda qalǵan murasyn áli jastarǵa nasıhattap, dáripteı almaı júrmiz. Bul týraly keshe Almatyda ashylǵan "Teatr kóktemi" festıvalinde aıtyldy,
dep habarlaıdy QazAqparat.
"Ólgenderdiń qaryzy tirilerdiń moınynda. Biz moıyndaýymyz kerek, óz ortamyzdan ketken perzentterimizdi áli kúnge deıin el bolyp ulyqtaı almaı júrmiz. Oǵan ultty kinálaýǵa bolmaıdy. Bul árbir adamnyń nıetine, talpynysyna, júrek qalaýyna baılanysty. Ol quntsyzdyqtyń, nazar salmaýdyń álegi bolý kerek", deıdi teatr synshysy Áshirbek Syǵaı. Ónertanýshy ǵalymnyń aıtýynsha, óz asylymyzdy ózimiz baǵalaı almaı júrgende ony ózgelerge tanytý múmkin emes. Kózden ketken soń kóńilden de umytyla bastaǵan ult qaıratkerleriniń eńbegin eleýsiz qaldyrmaý búgingi urpaqqa syn, al úkimetke mindet bolý kerek. Sonda ǵana ózgelerdiń aldynda árdaıym júzimiz jarqyn, mereıimiz ústem bolmaq.
