Ortalyqtan oblystyq deńgeıge 620 shtattyq birlik beriledi - zań jobasy
ASTANA. 4 maýsym. QazAqparat - Búgin Parlament Senaty Ekonomıkalyq damý jáne kásipkerlik komıtetiniń keńeıtilgen otyrysy bolyp ótti. Onda «Qazaqstan Respýblıkasynyń keıbir zańnamalyq aktilerine memlekettik basqarý organdary arasyndaǵy ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda qaraldy.
Zań jobasy elimizdiń memlekettik basqarý júıesin odan ári jetildirý, bólinetin fýnktsııalardy zańnamalyq bekitý, memlekettik basqarý deńgeıleri arasyndaǵy ókilettikterdiń arajigin ajyratý, jergilikti jáne ortalyq memlekettik organdar qyzmetiniń qaıtalanýyn boldyrmaý qajettigine baılanysty bolyp otyr. Bul rette zań jobasy boıynsha ortalyq memlekettik organdar arasynda - 10 fýnktsııa, ortalyqtan oblysqa - 73, oblystan aýdanǵa - 4, aýdannan aýylǵa 7 fýnktsııa qaıta bólinetin bolady. Nátıjesinde ortalyqtan oblystyq deńgeıge ótkiziletin ókilettikterge 620 shtattyq birlik beriledi. Budan bólek, zań jobasymen aýdandyq (qalalyq) deńgeıde qosymsha fýnktsııalar bekitiledi jáne atalǵan fýnktsııalar oblystyq, Astana jáne Almaty qalalarynyń ákimdikterinde de saqtalady. Barlyǵy aýdandyq deńgeıge beriletin shtat sany - 431 birlik. Al aýyldyq okrýg ákimderine salalyq zań aktilerimen 67 qyzmet júkteledi jáne olardyń apparattaryn nyǵaıtý maqsatynda ortalyqtan aımaqtarǵa 4 369 birlik, sondaı-aq oblystyq jergilikti atqarýshy organdardan 500 birlik beriledi. Zań jobasyn qabyldaý memlekettik basqarý deńgeıleri arasyndaǵy ókilettikterdiń arajigin ajyratýǵa jáne jergilikti atqarýshy organdarǵa qajetti ókilettikter men tıisti shtattyq quram berýge múmkindik beredi.
Zań jobasy ekinshi oqylym boıynsha palatanyń qaraýyna joldanatyn boldy.
