Ortalyqqa táýeldi partııa bıýrokratııalyq tetikterge baılaýly bolady – Dana Nurjigitova
«Detsentralızatsııa – durys sheshim. Ortalyqqa táýeldi partııa bıýrokratııalyq tektikterge baılaýly bolady. Mundaı kedergiler halyqtyń amanat dep berip otyrǵan dúnıelerin oryndaýǵa jol bermeıdi. Qaǵazbastylyq, bıýrokratııalyq tejeý kúshteriniń barlyǵy partııanyń jańasha jumys isteýine kesirin tıgizetin eń basty dúnıe dep oılaımyn. Sondyqtan Prezıdenttiń jáne hatshylyqtyń bastaýymen búgin partııanyń modernızatsııalaýǵa degen bet burysy – ýaqytyly jasalǵan qadam», - dedi senator.
Sonymen qatar ol Májilistiń jańadan saılanǵan depýtaty Saıasat Nurbektiń bılik partııasynyń búgin ótken kezekten tys sezindegi bastamalaryn qoldaıtynyn aıtty.
«Onyń usynyp otyrǵan dúnıeleri óte durys dep esepteımin. Halyqtyń berip otyrǵan amanaty, jazylatyn ótinishter, shaǵymdar – osynyń barlyǵy úlken aqparat bazasy. Sol aqparat bazasyna saraptaý jasaý, ony suryptaý, ony belgileý árıne belgili bir deńgeıde júrgizilip jatyr. Biraq bul jumystar qazirgi zamanǵa saı emes. Sondyqtan Saıasat Nurbektiń Big Data degen termınmen engizilip otyrǵan bastamasy óte quptarlyq. Osy saraptaý jumystary Big Data arqyly júrgiziletin bolsa búgingi mynaý shaǵym-aryzdardyń ishindegi haos, aqparattyq haos, oryn-ornyna kelip, jeke-jeke qarastyrýǵa jáne jumysty belgili bir baǵytqa qoıýǵa, ár depýtattyń múmkindigin durys paıdalanýǵa óziniń oń áserin tıgizer edi», - dedi Dana Nurjigitova.