Ortalyqazııalyq aımaqtyq aqparattyq úılestirý ortalyǵynyń jumysy álemdik qoǵamdastyq tarapynan joǵary baǵalanyp otyr - Ortalyq Azııadaǵy UNODC ókili
ALMATY. Jeltoqsannyń 8-i. QazAqparat /Erlik Erjanuly/ - Ortalyqazııalyq aımaqtyq aqparattyq úılestirý ortalyǵynyń erteńgi ulyqtaý rásimin taǵatsyzdana kútip otyrmyn. Bul búgin Almatyda ótip jatqan esirtki quraldarynyń, psıhotropty zattar men olardyń prekýrsorynyń zańsyz aınalymyna qarsy kúres jónindegi Ortalyqazııalyq aımaqtyq aqparattyq úılestirý ortalyǵyna múshe memleketterdiń Ulttyq úılestirýshiler keńesiniń 2-shi otyrysynda aıtyldy,
dep habarlaıdy QazAqparat.
"Ortalyqazııalyq aımaqtyq aqparattyq úılestirý ortalyǵyna (OAAÚO) donorlyq uıymdar men vedomstvoralyq qurylymdar tarapynan úlken qyzyǵýshylqty sezindik. AQSh sııaqty memleket úshin OAAÚO jobasy basym baǵyttardyń biri ekenin de atap ótkim keledi. Ony Eýroodaq ókili de joǵary baǵalap otyr. Buǵan deıin jáne búgingi tańda atqarylyp jatqan jumys álemdik, halyqaralyq jáne donorlyq qoǵamdastyqtar tarapynan da joǵary baǵalanýda", deıdi Ortalyq Azııadaǵy UNODC ókili Mark Kallahan. Onyń aıtýynsha, qazir ol Ortalyqazıalyq aımaqtyq aqparattyq úılesirý ortalyǵynyń baqylaýshy mártebesin ıelengen elderdiń ulyqtaý rásimin taǵatsyzdana kútip otyr. Ulttyq úılestirýshiler keńesiniń búgingi otyrysynda Avstrııa, Pákistan, Kanada, AQSh, Germanııa elderine osyndaı mártebe berý maquldandy. Jalpy buǵan deıin oǵan Italııa, Frantsııa, Fınlıandııa jáne Interpol ıe bolǵan.
