Ortalyqafrıkalyq eldiń halqyn qorǵaý úshin frantsýzdyq áskerıler jetkizildi
ASTANA. 7 jeltoqsan. QazAqparat - BUU qoldaýymen qaýipsizdikti qalpyna keltirý boıynsha áskerı operatsııa aıasynda júzdegen frantsýzdyq sarbazdar Ortalyq Afrıka Respýblıkasyna keldi.
Brondy mashına mingen áskerıler atalǵan eldiń astanasy Bangıde tártipti saqtaýǵa jumyldyrylyp otyr. Atap aıtqanda, bul qalada sońǵy birneshe kúnde qaqtyǵystar saldarynan júzdegen adam opat boldy. Sonymen qatar qala ústinde jaýyngerlik ushaqtar sholǵynshylyq jasap júr.
VVS-diń jazýynsha, Frantsııa Prezıdenti Fransýa Ollandtyń sózinshe, Ortalyq Afrıka Respýblıkasynda frantsýzdyq ásker polıtsııanyń qyzmetin atqaratyn bolady.
Atalǵan afrıkalyq elde qaqtyǵystardan kem degende 300 adam qaza boldy, olardyń sany budan da kóp bolýy múmkin degen pikirler aıtylýda.
Beısenbi kúni Bangı qalasyna naýryzda taqtan shettetilgen burynǵy Prezıdent Fransýa Bozızeniń jaqtastary shabýyldaǵan kórinedi.
BUU soltústiktegi Bosangoe qalasynda kóptegen adam óltirilgenin, sonymen qatar órtengen úıler jaıynda habarlap otyr.
Aıta keteıik, naýryzda bılikti qolyna alǵan musylman kóterilisshilerge eks-prezıdent Bozızeni jaqtap júrgen hrıstıandar qarsylyq kórsetýde.
