Ortalyq jáne jergilikti bılik ókilettikterin ajyratý týraly zań ákimderge derbestik qana berip qoımaı, sheneýnikterdiń jaýapkershiligin de arttyra túsedi - E. Dosaev
ASTANA. 30 mamyr. QazAqparat - Senatta «Qazaqstan Respýblıkasynyń keıbir zańnamalyq aktilerine memlekettik basqarý organdary arasyndaǵy ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» zań jobasy da birinshi oqylymda maquldandy. Bul týraly QR Ekonomıka jáne bıýdjettik josparlaý mınıstrliginiń baspasóz qyzmeti habarlaıdy.
Ekonomıka jáne bıýdjettik josparlaý mınıstri Erbolat Dosaev túsindirgendeı, zań jobasy boıynsha ortalyq memlekettik organdar arasynda - 10 fýnktsııa, ortalyqtan oblysqa - 73, oblystan aýdanǵa - 4, aýdannan aýylǵa 7 fýnktsııa qaıta bólinetin bolady.
Nátıjesinde ortalyqtan oblystyq deńgeıge ótkiziletin ókilettikterge 620 shtattyq birlik beriledi.
Zań jobasymen aýdandyq (qalalyq) deńgeıde qosymsha fýnktsııalar bekitiledi jáne atalǵan fýnktsııalar oblystyq, Astana jáne Almaty qalalarynyń ákimdikterinde de saqtalady. Barlyǵy aýdandyq deńgeıge beriletin shtat sany - 431 birlik.
Aýyldyq okrýg ákimderine salalyq zań aktilerimen 67 qyzmet júkteledi jáne olardyń apparattaryn nyǵaıtý maqsatynda ortalyqtan aımaqtarǵa 4 369 birlik, sondaı-aq oblystyq jergilikti atqarýshy organdardan 500 birlik beriledi.
