Ortalyq jáne jergilikti atqarýshy organdardyń birinshi basshylaryna kóbirek derbestik berý qajet - Smaıylov

ASTANA. QazAqparat – Ortalyq jáne jergilikti atqarýshy organdardyń birinshi basshylaryna kóbirek derbestik berý qajet. Bul týraly búgin Úkimet otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Qarjy mınıstrligi Ulttyq bankpen birlesip, Ulttyq qordan aýdarylatyn transfertterdi birtindep tómendetýdi qamtamasyz etýi tıis. Bıýdjetteý tásilderin odan ári jetildirý boıynsha usynystar engizý qajet. Ortalyq jáne jergilikti atqarýshy organdardyń birinshi basshylaryna kóbirek derbestik berý qajet», - dedi Álıhan Smaıylov.

Onyń aıtýynsha, memleket ıeliginen shyǵarý, monopolısterdiń ózge shektes naryqtardyń qyzmetine aralaspaýy, ákimshilik kedergilerdi jáne naryqqa baǵa qysymyn tómendetý bóliginde Ekonomıkany demonopolızatsııalaý jónindegi vedomstvoaralyq komıssııa jumysyn kúsheıtý kerek.

«Eńbek mınıstrligi qaýipsiz eńbek jaǵdaılaryn qamtamasyz etýge jáne óndiristik jaraqattyń aldyn-alý tetikterin jetildirýge basa nazar aýdarýy qajet», - dedi Úkimet basshysy.