Ortalyq jáne jergilikti atqarýshy organdar energııa únemdeýdi nasıhattaý jumystaryn kúsheıtýi qajet - S. Ahmetov
ASTANA. 27 tamyz. QazAqparat - Ortalyq jáne jergilikti atqarýshy organdar energııa únemdeýdi nasıhattaý jumystaryn kúsheıtýi qajet. Bul týraly búgin Úkimet otyrysynda QR Premer-Mınıstri Serik Ahmetov aıtty.
«Elimiz úshin asa mańyzdy baǵdarlamany qabyldap otyrmyz. Energııa tıimdilikti arttyrý ınnovatsııalyq sheshimderdi engizýge, ǵylymdy damytýǵa, tehnologııalar transfertin engizýge yntalandyra túsetindigin jaqsy bilemiz», - dedi ol.
Úkimet basshysynyń paıymynsha, bul baǵdarlamany júzege asyrý ony barynsha tıimdi atqarý úshin baǵdarlamalar men normatıvtik-quqyqtyq aktilerge qandaı ózgerister engizý qajettigin kórsetedi.
«Bardyq ortalyq jáne jergilikti atqarýshy organdar energııa únemdeýdi nasıhattaý jumystaryn kúsheıtýi, adamdardy oqytýy qajet dep sanaımyn», - dedi S. Ahmetov.
