Ortalyq Tıan-Shan shyńdarynyń biri elordanyń qurmetine atalmaq
ALMATY. Shildeniń 3-i. QazAqparat /Ekaterına Ionova/ - Ústimizdegi jylǵy shildeniń 1-inde «Tabıǵat» ekologııalyq odaǵynyń tóraǵasy Mels Eleýsizov bastaǵan bir top qazaqstandyq alpınıst Ortalyq Tıan-Shannyń ataýy joq shyńyna órmelep shyqty. Bul shyńdy Qazaqstannyń elordasynyń týǵan kúnine oraı «Astana» dep ataý týraly sheshim qabyldandy. Bul týraly Almaty qalasynda ótkizilgen arnaıy baspasóz máslıhatynda M.Eleýsizov málim etti.
Ekspedıtsııaǵa segiz jáne jetimyńdyqtardy baǵyndyrǵan Maqsut Jumaev, Aleksandr Sofrygın, Aleksandr Rýdakov, Vasılıı Pıvtsov, Erjan Jabylev syndy qazaqstandyq alpınıster qatysty.
M.Eleýsizovtyń aıtýynsha, bul úshin kez-kelgen az ǵana daıyndyqpen kelgen adam shyǵa alatyndaı etip, bıiktigi 4 555 metr bolatyn qoljetimdi shyń tańdaldy.
«Shamamen tamyz aıynda biz osy shyńǵa qaıta shyǵyp, ol jerde estelik taqta ornatýdy josparlap otyrmyz. Biz kez-kelgen komıssııaǵa baryp, bul shyńynyń álem kartalarynda belgilenetindeı etip, resmı anyqtama alamyz», - dep atap ótti Ekologııalyq odaq basshysy.
