Ortalyq tapsyrǵan jumysty jergilikti bılik atqarsa onyń sapasyn halyq baǵalaýy tıis - depýtat A.Soloveva
ASTANA. 5 qarasha. QazAqparat /Arman Asqarov/ - Ortalyq tapsyrǵan jumysty jergilikti bılik organdary atqarsa, ol jumystyń sapasyn halyq baǵalaýy tıis. Búgin Astanadaǵy Qazaq gýmanıtarlyq zań ýnıversıtetinde bastalǵan «Qazaqstannyń Eýropadaǵy qaýipsizdik jáne yntymaqtastyq uıymyna tóraǵalyǵy aıasynda aımaqtardyń turaqty damýynyń negizi retinde jergilikti ózin-ózi basqarý» taqyrybyndaǵy halyqaralyq ǵylymı-tájirıbelik konferentsııada QR Parlament Májilisiniń depýtaty Aıgúl Soloveva osylaı aıtty.
Onyń aıtýynsha, búgingi tańda jergilikti jerlerde qolǵa alynǵan is-sharalar nátıjeli bolýy úshin qoǵamdyq baqylaýdy kúsheıtý qajet. «Sebebi halyqtyń baǵasy ol - shynaıy baǵa. Sondyqtan ortalyq tapsyrǵan jumysty jergilikti bılik organdary atqarsa, ol jumystyń sapasyn halyq baǵalaýy tıis. Máselen, Prezıdent aýyz sý máselesi boıynsha naqty tapsyrma berse, jergilikti atqarýshy organdar osy tapsyrmanyń údesinen shyǵýy tıis. Al onyń ashyq ári shynaıy baǵasyn halyq berýi mindet. Mine, sonda ǵana bizde ózin-ózi basqarý qaǵıdaty jumys isteıtin bolady», - deıdi depýtat.
