Ortalyq stadıon barsha almatylyqtardy qalalyq muz aıdynyndaǵy sporttyq aktsııaǵa shaqyrady
ALMATY. 17 aqpan. QazAqparat - Almatyda, erteń 18 aqpan kúni qala ákimdiginiń qoldaýymen Ortalyq stadıondaǵy qalalyq muz aıdynynda sporttyq aktsııa ótedi.
Atalmysh shara Elbasy joldaýyn iske asyrý aıasynda almatylyqtardy buqaralyq sportqa tartý, patrıottyq sezimdi oıatý, salaýatty ómir saltyn ustanýǵa shaqyrý maqsatynda arnaıy uıymdastyrylmaq.
Baǵdarlamada qyzyqty kóńil kóteretin jarystar, túrli baıqaýlar men syılyqtar bar. Aktsııa barysynda 14 jasqa deıingi balalarǵa konkı jeńildikpen beriletin bolady.
«Biz barsha almatylyqtardy Ortalyq stadıonnyń muz aıdynynda tegin konkı tebýge jáne aktsııaǵa belsendi túrde qatysýǵa shaqyramyz. Ol muz aıdyny bendıden ótken álem chempıonaty úshin arnaıy salynǵan bolatyn. Jarystar ótti, endi almatylyqtar tegin muz aıdynynda syrǵanaı alady. Bul jerge 1000 adam syıady. Sapasy jaǵynan Medeýdegi muz aıdynnan kem emes», - dedi Almaty qalasy Ortalyq stadıonynyń dırektory Oleg Pechenık.
Muz aıdyny tańerteńgi 10.00-den túngi 23.00-ge deıin jumys isteıdi.
