Ortalyq saılaý komıssııasynyń tóraǵasy Qyzylordada jurtshylyqpen kezdesti
NUR-SULTAN. QazAqparat - Ortalyq saılaý komıssııasynyń tóraǵasy Nurlan Ábdirovtiń Qyzylorda oblysyna jumys sapary aıasynda saılaý komıssııalarynyń múshelerimen, saıası partııalardyń, ÚEU, BAQ ókilderimen, qoǵamdyq pikir kóshbasshylarymen jáne blogerlermen saılaý protsesi máseleleri boıynsha úlken kezdesýi boldy, dep habarlaıdy QazAqparat.
Kezdesýdi asha otyryp, ol Ortalyq saılaý komıssııasynyń respýblıkanyń barlyq óńirlerine jumys saparynyń tsıkli Memleket basshysynyń tapsyrmasy boıynsha uıymdastyrylyp otyrǵanyn atady.
Ortalyq saılaý komıssııasynyń tóraǵasy: «Alǵashqy kezdesýimizdiń osy Syr boıynda ótip otyrǵany da kezdeısoq emes, bul meken Qazaqstannyń tuńǵysh elordasy ári kıeli topyraǵy bolyp tabylady», - dep atap ótti.
Kezdesýde saılaýdy uıymdastyrýshylar men jergilikti jurtshylyq ókilderiniń saılaý júıesin jáne onyń zańnamasyn jetildirý, saılaýdy uıymdastyrý jáne ótkizý kezinde ony quqyqtyq turǵydan qoldaný jónindegi keshendi máseleleri men usynystary talqylandy.
Talqylaý barysynda OSK Basshysy Ortsaılaýkom men tómen turǵan saılaý organdarynyń negizgi mindeti zańnamaǵa sáıkes barlyq saılaý protsesteriniń ashyqtyǵyn qamtamasyz etý bolyp tabylatynyn erekshe aıtyp ótti.
Kezdesý qorytyndysy boıynsha ol is-sharaǵa qatysýshylarǵa syndarly dıalog, belsendi azamattyq ustanym jáne saılaý protsesiniń ózekti máselelerin talqylaýǵa degen umtylysy úshin rızashylyǵyn bildirdi.
Qoǵam ókilderi óz kezeginde Ortsaılaýkom basshylyǵyna saılaý protsesine qatysýshylarǵa óz pikirlerin bildirýge jáne saılaý protsesin jetildirý jóninde birqatar naqty usynystar berýge múmkindik týǵyzyp otyrǵan osyndaı ashyq alańdy uıymdastyrýǵa bastama jasaǵany úshin alǵystaryn bildirdi.
Nurlan Ábdirovtiń Qyzylorda oblysyna jumys sapary aıasynda ú.j. 17-18 aqpanda Syrdarııa aýdanyna barýy jáne ýchaskelik saılaý komıssııalarynyń múshelerimen, saılanǵan ákimdermen, aýyldyq okrýgterdiń turǵyndarymen, sondaı-aq óńir jastarymen kezdesýi josparlanǵan.
