Ortalyq saılaý komıssııasynyń tóraǵasy EQYU/DIAQB ókilderimen kezdesti

NUR-SULTAN. QazAqparat - Búgin Qazaqstan Respýblıkasy Ortalyq saılaý komıssııasynyń tóraǵasy Berik Imashev EQYU/DIAQB Mıssııasy qajettilikterdi baǵalaý jónindegi ókilderimen kezdesti, dep habarlaıdy QR OSK baspasóz qyzmeti.

Qajettilikterdi baǵalaý jónindegi EQYU/DIAQB Mıssııasy, ádette, elge saılaý aldyndaǵy jaǵdaıdy jáne saılaýǵa daıyndyqty baǵalaý maqsatynda saılaýmen baılanysty is-sharalardy ótkizýdiń oryndylyǵy týraly usynymdardy ázirleý úshin saılaý bastalǵanǵa deıin birneshe aı buryn jiberiledi.

Qazaqstanda qajettilikti baǵalaý jónindegi EQYU/DIAQB Mıssııasy 2004 jylǵy 21-24 maýsymda Parlament Májilisi depýtattarynyń kezekti saılaýy qarsańynda, 2005 jylǵy 13-17 qyrkúıekte Prezıdenttiń kezekti saılaýy qarsańynda, 2015 jylǵy 3-6 naýryzda Prezıdenttiń kezekten tys saılaýy qarsańynda boldy. Bul mıssııanyń kelýi kezekten tys saılaýǵa ekinshi kelýi bolyp tabylady.

Syndarly dıalog barysynda QR OSK músheleri EQYU/DIAQB saılaý jónindegi keńesshileri Radıvoe Grýıchpen, Mısev Vladımırmen jáne EQYU Parlamenttik Assambleıasynyń ókili Todorıch Dmıtrımen birlesip, 2019 jylǵy 9 maýsymda Qazaqstan Respýblıkasy Prezıdentiniń kezekten tys saılaýyn ótkizýge arnalǵan máselelerdi talqylady.

Esterińizge sala ketsek, SІM shet memleketter men halyqaralyq uıymdarǵa (EQYU/DIAQB PA, EQYU PA, EKPA, TMD PA, UQShU PA, TMD PAA, ShYU, TMYK, IYU) baıqaýshylardy aldaǵy prezıdenttik saılaýǵa shaqyrýlardy jibergen. Ortalyq saılaý komıssııasy ekijaqty yntymaqtastyq sheńberinde 25 shet memlekettiń saılaý organdary basshylaryn shaqyrdy.