Ortalyq saılaý komıssııasynyń músheleri EQYU baıqaýshylarymen kezdesti

NUR-SULTAN. QazAqparat - QR Ortalyq saılaý komıssııasynyń músheleri EQYU/DIAQB Saılaýdy baıqaý jónindegi Shekteýli mıssııasynyń baıqaýshylarymen kezdesti, dep habarlaıdy QazAqparat election.gov.kz silteme jasap.

QR Ortalyq saılaý komıssııasy músheleri EQYU/DIAQB Saılaýdy baıqaý jónindegi Shekteýli mıssııasymen kezdesti.

QR Ortalyq saılaý komıssııasynyń tóraǵasy Berik Imashev jaqynda Nur-Sultan qalasyna kelgen EQYU/DIAQB Saılaýdy baıqaý jónindegi Shekteýli mıssııasynyń múshelerin qarsy aldy.

OSK Tóraǵasy mıssııa múshelerin saılaýdyń jarııalanǵanynan bastap daýys berý kúnine deıingi naýqannyń negizgi kezeńderimen qysqasha tanystyrdy.

Mıssııanyń basshysy, Elshi ıAroslav Marchın Domanskı qazaqstandyq tarapqa qabyldaǵany úshin alǵysyn bildirip, mıssııanyń negizgi tobynyń múshelerimen tanystyrdy.

Taraptar búkil saılaý kezeńinde belsendi ózara is-qımyl jasaý týraly ýaǵdalasty.

Kezdesý sońynda taraptar dástúrli túrde qalyptasqan yntymaqtastyq pen izgi nıet qatynastary 2021 jyly Qazaqstan Respýblıkasy Parlamenti Májilisiniń depýtattaryn saılaý kezinde óz damýyn tabatynyna senim bildirdi.