Ortalyq saılaý komıssııasynda baspasóz ortalyǵy ashyldy
ASTANA. 4 aqpan. QazAqparat /Aıdar Ospanalıev/ - Ortalyq saılaý komıssııasynda baspasóz ortalyǵy ashyldy. Atalmysh ortalyqpen jýrnalısterdi búgin Ortalyq saılaý komıssııasynyń tóraǵasy Qýandyq Turǵanqulov tanystyrdy.
OSK-nyń májilisinde atalmysh ortalyqtyń ashylǵandyǵyn atap ótken Q.Turǵanqulov ortalyqtyń 2011 jyldyń 3 sáýirinde ótetin kezekten tys prezıdenttik saılaýǵa daıyndyq barysynda da, saılaý kezinde de jumys isteıtindigin atap kórsetti. «Biz baspasóz ortalyǵy Ortalyq saılaý komıssııasynyń buqaralyq aqparat quraldarymen baılanysyn arttyryp, saılaý úderisiniń ashyqtyǵyn qamtamasyz etedi. Sondaı-aq ol saılaý zańnamalaryna qatysty máselelerdi túsindirip, nasıhattaýǵa da septigin tıgizedi degen úmittemiz»-dedi Q.Turǵanqulov.
