Ortalyq saılaý komıssııasyna jeke jáne zańdy tulǵalardyń 113 ótinishi kelip tústi - V.Foos
«Túsken ótinishterdiń 29-y (25,7 %) Qazaqstan Respýblıkasy Parlamenti Májilisiniń depýtattaryn saılaý jónindegi saılaý naýqanymen baılanysty. Olardyń ishinde: 9 - qoǵamdyq birlestikterden (olardyń ishinde saıası partııalardan), 11-i jeke tulǵalardan, 8-i BAQ-tardan, bireý oblystyq saılaý komıssııasynan», - dep atap ótti ol.
V.Foostyń aıtýynsha, 10 ótinish saılaý zańnamasynyń jekelegen normalaryn túsindirýge qatysty, 5-eýi Parlament depýtattyǵyna daýysqa túsýge nıet bildirý, belgili bir kandıdatty qoldaý nemese partııalyq tizimderge engizý týraly, 1-eýi Qazaqstan halqy Assambleıasynan depýtattyqqa kandıdattyń tirkeýin qaıtaryp alý týraly talappen, 6-ýy saılaý komıssııalary men depýtattyqqa kandıdattar týraly aqparat berý týraly, 1-eýi - saılaý naýqany kezeńindegi zań buzýshylyqtar týraly aqparat berý týraly, 3-eýi saılaý protsesimen baılanysty emes (túrli áleýmettik jáne turmystyq máselelerdi sheshý týraly).
«Ótinish ıelerine jaýaptar berildi. Jeti ótinish qaraý úshin tıisti organdarǵa joldandy.
Kelip túsken 84 (74,3 %) ótinish Qazaqstan Respýblıkasy máslıhattarynyń depýtattaryn saılaý jónindegi saılaý naýqanymen baılanysty. Olardyń ishinde: 58 - jeke tulǵalardan; 8 - BAQ-tardan; 1 - oblystyq máslıhattan; 8 - qoǵamdyq birlestikterden (olardyń ishinde saıası partııalardan); 9 - aýmaqtyq saılaý komıssııalarynan», - deıdi OSK tóraǵasynyń orynbasary.
QR OSK bergen málimetterge qaraǵanda, 27 ótinish saılaý zańnamasynyń jekelegen normalaryn túsindirýge qatysty; 10 - saılaý komıssııalary, kandıdattar jáne t.b. týraly aqparat berý týraly; 4 - saılaýdy ázirleý men ótkizý máseleleri jóninde usynystar qamtıdy; 1 - múmkindigi shekteýli adamdarǵa teń qoljetimdilik berý týraly; 2 - áleýmettik, turmystyq jáne basqa problemalarǵa baılanysty saılaýǵa qatysý múmkindiginiń joqtyǵy týraly; 1 - saılaý protsesine qatysy joq (turmystyq jaǵdaılaryn sheshý týraly ótinish); 1 - depýtattyqqa kandıdattyń saılaýaldy úgitti júrgizý tártibin buzǵanyna shaǵym; 9 - saılaý komıssııalarynyń sheshimderine, is-áreketterine (áreketsizdigine) shaǵymdar; 2 - memlekettik organdardyń, sondaı-aq olardyń laýazymdy adamdarynyń is-áreketterine shaǵym; 11 - depýtattyqqa kandıdatty tirkeýmen kelispeý týraly.
«Depýtattyqqa kandıdattardyń jáne olardyń jubaılarynyń tabysy týraly deklaratsııadaǵy málimetterdiń durys emestigi jáne máslıhat depýtattyǵyna saılaný quqyǵyn qalpyna keltirý týraly 16 ótinish qaraý úshin tıisti organdarǵa joldandy jáne baqylaýǵa alyndy», - dep túıindedi sózin V.Foos.
