Ortalyq saılaý komıssııasy kelesi jylǵa josparlanyp otyrǵan saılaýdy óz tıisti talaptarǵa saı ótkizýge daıyn
ASTANA. 15 jeltoqsan. QazAqparat /Aıdar Ospanalıev/ - Ortalyq saılaý komıssııasynda saılaýdy ótkizýge qajetti barlyq kadrlyq jáne materıaldyq resýrstar bar.
Ortalyq saılaý komıssııasy kelesi jylǵa josparlanyp otyrǵan saılaýdy óz deńgeıinde ótkizýge, el azamattary men saılaýǵa qatysýshylardyń konstıtýtsııalyq quqyqtaryn júzege asyrý úshin barlyq jaǵdaılardy jasaýǵa daıyn.
Bul týraly búgin 2012 jyldyń 15-shi qańtaryna josparlanyp otyrǵan Májilis pen máslıhat depýtattary saılaýynyń barysyna baılanysty jýrnalıstermen bolǵan baspasóz máslıhatynda Ortalyq saılaý komıssııasy tóraǵasynyń orynbasary Vladımır Foos málim etti.
«Biz saıası partııalar ókilderimen jáne saılaý úderisine qatysýshylarmen, sondaı-aq azamattyq qoǵam ınstıtýtynyń ókilderimen qarym-qatynasty barynsha ashyq júrgizýdemiz. Ortalyq saılaý komıssııasynyń barlyq otyrystary ashyq túrde ótip jatyr. Biz ózimiz qabyldaǵan sheshimder men bolyp jatqan oqıǵalar jóninde jáne saılaý úderisine qatysty máimetterdi turaqty túrde kópshilikke jarııa etip otyrmyz»,-dedi V.Foos.
