Ortalyq saılaý komıssııasy ADAL partııasynyń tizimin tirkedi
«Qazaqstan Respýblıkasyndaǵy saılaý týraly» Konstıtýtsııalyq zańnyń 89-babyna sáıkes, tirkeýge bir saıası partııadan oǵan saıası partııalar arasynda bólinetin depýtattyq mandattardyń belgilengen sanynyń 30 paıyzynan aspaıtyn adamdar sany engizilgen bir ǵana tizim jiberiledi. Partııalyq tizimde áıelder men 29 jasqa tolmaǵan adamdardyń sany oǵan engizilgen adamdardyń jalpy sanynyń keminde 30 paıyzyn quraýǵa tıis», - dedi QR OSK múshesi Asylbek Smaǵulov.
Onyń aıtýynsha, «ADAL» partııasynyń partııalyq tiziminde 16 adam bar, oǵan bes áıel jáne 29 jasqa tolmaǵan azamattar engizilgen. ıAǵnı bul tizimge engizilgenderdiń jalpy sanynyń 31,2 paıyzyn quraıdy. Ortalyq saılaý komıssııasy ýákiletti organdarmen birlesip, Májilis depýtaty bolyp saılaný úshin partııalyq tizimge engizilgen adamdardyń Konstıtýtsııa men «Saılaý týraly» Konstıtýtsııalyq zańnyń talaptaryna sáıkestigine tekserý júrgizdi.
«Partııalyq tizimge engizilgen barlyq adamdar Konstıtýtsııanyń jáne «Saılaý týraly» konstıtýtsııalyq zańnyń talaptaryna sáıkes keledi», - dedi ol.
Osyǵan baılanysty Ortalyq saılaý komıssııasynyń músheleri «2021 jylǵy 10 qańtarǵa taǵaıyndalǵan Qazaqstan Respýblıkasy Parlamenti Májilisi depýtattarynyń kezekti saılaýyna «ADAL» partııasynyń partııalyq tizimin tirkeý týraly» qaýly qabyldady.
