Ortalyq mýzeıde 21 ǵylymı joba júzege asyrylyp jatyr
ALMATY. QazAqparat - QR Ortalyq mýzeıinde 13 jyldan beri 21 ǵylymı-qoldanbaly joba júzege asyrylyp keledi. Bul týraly Almaty qalasy Óńirlik kommýnıkatsııalar qyzmetinde ótken brıfıngte Qazaqstan Respýblıkasy Memlekettik ortalyq mýzeıi dırektorynyń orynbasary Ǵalııa Temirton aıtty, dep habarlaıdy QazAqparat tilshisi.
Ǵalııa Temirton 13 jyldan beri QR MOM 21 ǵylymı-qoldanbaly jobany júzege asyrǵan aıtty. Onyń 15-i «Mádenı mura» jobasy aıasynda QR BǴM Memlekettik ǵylymı-tehnıkalyq saraptamasy nátıjesinde joǵary baǵalanǵan.
«2017 jyldan bastap mýzeıdiń ǵylymı ortalyqtary 2017-2019 jyldarǵa arnalǵan tórt ǵylymı-qoldanbaly joba boıynsha jumys atqarýda. Olar - «Qazaqtyń dástúrli óneri tarıhı-etnografııalyq derek kózderi retinde. Monografııa-katalog», «Ábilhan Qasteevtiń akvarelderi tarıhı-etnografııalyq derek kózderi retinde» (Qazaqstan mýzeıleri qorlarynyń materıaldary boıynsha)», «Ortaǵasyrlyq Qazaqstan (VI-XV ǵǵ.) Qazaqstan Respýblıkasy Memlekettik Ortalyq mýzeıiniń arheologııalyq kollektsııasy. Ǵylymı katalog», «Qazaqstandaǵy tyń jáne tyńaıǵan jerlerdi ıgerý: áleýmettik-ekonomıkalyq, demografııalyq jáne ulttyq-etnıkalyq aspektileri»,- dedi Ǵalııa Temirton.
Sonymen qatar, 2017 jyly Qazaqstan mýzeıleri qorlarynyń materıaldary boıynsha Ábilhan Qasteevtiń baı murasyn zertteý qolǵa alyndy.
Mýzeıde «Ábilhan Qasteev akvarelderi tarıhı-etnografııalyq derek kózderi retinde. Ǵylymı katalog» ǵylymı-qoldanbaly joba júzege asyp keledi.
«QR Memlekettik Ortalyq mýzeı qoryndaǵy Á. Qasteevtiń jeke kesheni júıelenip, taldanyp, sýretshiniń 130 akvarel shyǵarmasynyń 35-i kameraldyq óńdeýden ótip, atrıbýtsııalandy» - dedi Ǵ.Temirton.
Aıta ketý kerek, QR Ortalyq mýzeıine 2017 jyly 4000-nan astam adam kelgen.
Avtory: Araılym Joldybaeva
Foto: yandex.kz
