Ortalyq murajaıda «Mýzeı túni-2010» PR sharasy ótedi

dep habarlaıdy QazAqparat.

Halyqaralyq murajaılar kúni merekesine oraılastyrylǵan shara bıyl 5-shi ret ótedi. Bul kúndi álemniń murajaı qyzmetkerleri 1978 jyldyń 18-shi mamyrynan bastap atap ótip keledi. Bul kún aıasyndaǵy «Murajaı túni» sharasy eń alǵash ret 1997 jyly Germanııa murajaılarynda ótkizilgen bolatyn. 2006 jyldan bastap bizdiń elimizde de turaqty túrde óte bastady. Ortalyq murajaı ókilderiniń aıtýynsha, sharanyń basty maqsaty kelýshilerge murajaıdyń tek ǵylymı, bilim berý ortalyǵy ǵana emes, demalys orny bola alatyndyǵyn kórsetý, murajaıdyń tanymaldylyǵyn arttyrý.

Mamyrdyń 14-i kúni ótetin sharada murajaıdyń kórme zaldaryna tegin ekskýrsııalar júrgizilip, Eskendir Hasanǵalıev, Tamara Asar, Madına Sadýaqasova, Nurlan Espanov syndy óner juldyzdary men bı, vokaldy-aspaptyq ansamblder, ulttyq mádenı ortalyqtar óner kórsetedi. Dýmandy kesh barysynda Tımýr Begimbettiń jeke kórmesi ashylady. Sondaı-aq Qazaqfılmniń jańa týyndylary jurtshylyq nazaryna usynylady. Sharany elimizdiń 20-dan astam kompanııalary qoldaǵan.