Ortalyq murajaıda «Almaty áýezderi» sýret kórmesi ashyldy

Lenıngradtaǵy sańyraýlarǵa arnalǵan kórkemóner tehnıkýmy men Almaty memlekettik teatr-kórkemóner ınstıtýtynyń túlegi  óziniń shyǵarmashylyq qyzmetin «súıikti qalasynyń portretin» salýǵa arnaǵan sýretshi. Eski jáne qazirgi Almatynyń ózgermeli kórinisterin sheberlikpen beınelegen keskindemelik jáne grafıkalyq týyndylarymen óner súıer qaýymǵa belgili bolǵan A.Ýtkın 7-shi qarashaǵa deıin sozylatyn bul kórmege 50 kartınasyn usynyp otyr.  Onda qalanyń  tarıhı ortalyqtary men árbir almatylyqqa qymbat oryndary, atap aıtqanda, eski alań, opera teatry, burqaqtar jáne  eski qalanyń tynysh kósheleri men keń dańǵyldary kórinis tapqan.

Jalpy Alekseı birneshe halyqaralyq jáne respýblıkalyq kórmelerdiń (Rım, Máskeý), sonymen qatar halyqaralyq «Ekinshi jolI» (Vashıngton), «Qyzǵaldaq jáne adam» (Nıderlandy koroldiginiń elshiligi) jobalarynyń qatysýshysy. Onyń toptyq jáne jeke kórmeleri «Trıbýna», «Táńiri-Umaı», «Ular», «Ark» kórkemóner galereıalarynda qoıylǵan. Sondaı-aq  avtorlyq jumystary elimizdiń jáne  AQSh, Gollandııa, Italııa, Ispanııa, Reseı, Túrkııa, Frantsııa sııaqty shet memleketterdiń  jeke kollektsııalarynda saqtaýly.