Ortalyq memlekettik jáne jergilikti atqarý organdarynyń maqsaty- halyqty sapaly qyzmetpen qamtamasyz etý- Memlekettik qyzmet isteri agenttigi
ASTANA. 20 aqpan. QazAqparat - 17 aqpanda Memlekettik qyzmet isteri agenttiginde «Memlekettik qyzmet kórsetýdiń sapasy boıynsha ortalyq memlekettik jáne jergilikti atqarý organdary qyzmetiniń tıimdiligin baǵalaý» taqyrybynda semınar ótti.
Atap aıtqanda, agenttik memlekettik qyzmet kórsetýdiń sapasyn baǵalaý ádistemesin ázirledi. Bul ádisteme memlekettik organdardyń usynysymen jáne eskertýimen jetildirilip, bekitildi.
Ádistemeniń negizgi maqsatynyń biri - memlekettik organdardyń jeke jáne zańdy tulǵalardy qoljetimdi jáne sapaly qyzmetpen, onyń ishinde elektrondyq formattaǵy qyzmetpen qamtamasyz etý boıynsha tıimdi sharalardy anyqtaý.
Osy oraıda, jıyn barysyna 2011 jylda kórsetilgen memlekettik qyzmettiń sapasyn baǵalaýdyń sharttary týraly Agenttiktiń ınspektsııa jáne tártiptik qadaǵalaý basqarmasynyń bas sarapshysy A. Eskendirov baıandama jasady.
Semınar barysynda osy másele boıynsha pikiralmasýlar boldy, sondaı-aq memlekettik organdar tarapynan birqatar usynystar jasaldy. Endi bul usynystar aldaǵy baǵalaý kezinde eskerilmek.
