Ortalyq memlekettik muraǵattan urlanǵan Ábilhan Qasteevtiń eki kartınasy tabyldy

Bul týraly «Ekspress K» gazetindegi «Kak kıst v gorle» atty maqalada (avtor Olga Hrabryh) jazyldy.

Bas-aıaǵy 20 týyndy qoldy boldy, alaıaqtar bir kartınany 15 myń dollarǵa satpaq bolǵan.

Ótken jyldyń kúzinde Á. Qasteevtiń qyzy Gúldarııa memlekettik muraǵattan 20 týyndynyń qoldy bolǵandyǵy jóninde quqyq qorǵaý organdaryna aryzdandy. Kezinde tanymal sýretshi bul shyǵarmalardy mekemege ózi syılaǵan bolatyn.

Qarjy polıtsııasynyń qyzmetkerleri urlanǵan 20 jumystyń ekeýin (1931 jáne 1934 jyldary salynǵan) tapty. Qazirgi ýaqytta Ortalyq memlekettik muraǵattyń burynǵy qyzmetkerleri tarapynan zań buzýshylyq faktileri anyqtaldy jáne olardyń urlyqqa qatysy bar-joqtyǵy tekserilýde.

Almaty ekonomıkalyq qylmysqa jáne sybaılas jemqorlyqqa qarsy kúres departamentiniń basshysy Ámirhan Amanbaevtyń sózine qaraǵanda, kartınany qara bazarda satpaq bolǵan adam 2012 jyldyń 25 qazanynda ustaldy.