Ortalyq Qytaıda qurǵaqshylyqtan 230 myń adam zardap shekti
ASTANA. QazAqparat - Hýbeı provıntsııasynda qurǵaqshylyqtan 120 myń gektar aýyl sharýashylyǵyna jaramdy jer zardap shekti. 237 myń adam aýyzsý jetispeýshiligin bastan keship otyr.
Bul týraly sý tasqynymen jáne qurǵaqshylyqpen kúres shtabynan málim etti, dep habarlady Sınhýa.
Osy jylǵy 1-22 qyrkúıek aralyǵynda provıntsııada jaýyn-shashynnyń ortasha mólsheri 10,5 mm ǵana qurady, bul normadan 90 paıyzǵa kem.
Qurǵaqshylyqtan 171 bas mal zardap shekti. Jergilikti bılik qolaısyz aýa raıynyń saldaryn joıýǵa 223 myń adamdy jumyldyrdy.
