Ortalyq kommýnıkatsııalar qyzmetiniń dırektory shetelge oqýǵa bara jatyr
«Qurmetti dostar, búgin Ortalyq kommýnıkatsııalar qyzmetiniń dırektory Artýr Nyǵmetovpen kezdestim. Áńgime barysynda ol óziniń akademııalyq josparlary týraly baıandap berdi, onyń ishinde shetelde oqý jaıyndaǵy nıetin aıtty. Tıisti stıpendııany Artýr aldy. Osy oraıda onyń jeke tańdaýyna qoldaý jasaýdy jón kórdim», - dep jazdyFeısbýktegi paraqshasynda Aqparat jáne kommýnıkatsııalar mınıstri Dáýren Abaev.
Mınıstr óz sózinde qysqa merzimde Artýr Nyǵmetov Ortalyq kommýnıkatsııalar qyzmetiniń jumysyn tıimdi túrde qurǵanyn, bul turǵyda buqaralyq aqparat quraldarymen ózara is-qımyldy retke keltirgenin, sondaı-aq óńirlik qyzmettermen jumysty biryńǵaılap, sarapshylar qaýymdastyǵymen tyǵyz baılanys ornatqanyn atap ótti.
«Artýrǵa alǵysymdy aıtyp, josparyn júzege asyrýǵa sáttilik tileımin!», - dedi D. Abaev.
Esterińizge sala keteıik, bıyl mamyrda Artýr Nyǵmetov Ortalyq kommýnıkatsııalar qyzmetiniń dırektory bolyp taǵaıyndaldy .
Artýr Nyǵmetov - Batys Qazaqstan memlekettik ýnıversıtetiniń (2007 j.), Máskeý saıası zertteýler mektebiniń (2008 j.) túlegi. SIPU International - shved memlekettik jáne mýnıtsıpaldyq basqarmasynda taǵylymdamadan ótken.
Jeke kommertsııalyq televıdenıede jańalyqtar qyzmetiniń redaktory, avtory, telebaǵdarlama júrgizýshisi boldy. Medıalyq tehnologııa ortalyǵynyń dırektory, «Nur Otan» qoǵamdyq saıası partııasy ınstıtýtynyń qoldaýymen «SarapTime» sarapshylyq klýbynyń basshysy bolǵan. 2015 jyly Almaty qalasy ákiminiń baspasóz hatshysy qyzmetin atqardy.
