Ortalyq kommýnıkatsııalar qyzmeti moderator izdestirip jatyr
NUR-SULTAN. QazAqparat - Ortalyq kommýnıkatsııalar qyzmetine moderator izdestirilip jatyr, dep habarlaıdy QazAqparat.
Ortalyq kommýnıkatsııalar qyzmetiniń kommýnıkatsııalar basqarmasynyń bas sarapshysy qyzmetine jáne moderator tizginine 23-30 jas aralyǵyndaǵy er azamat tańdalýda.
Bul qyzmetke úmitkerlerge birneshe talap qoıylady.
Aıtalyq, úmitkerden joǵary kásibı bilim (áleýmettik nemese gýmanıtarlyq ǵylymdar), jýrnalıstıka nemese BAQ-ta kem degende 2 jyl tájirıbesi, qazaq tilinen basqa, orys jáne aǵylshyn tilderin bilý talap etiledi. Sondaı-aq, ózge tilderdi de bilse artyqtyǵy joq. Dıktsııasy qoıylǵan, óz oıyn senimdi jetkize bilý jáne ony iske asyrýǵa qabileti bolý qajet.
Budan basqa, QR Konstıtýtsııasyn, zańdardy, normatıvtik-quqyqtyq aktilerdi anyqtaıtyn negizgi qujattardy jáne ınfokommýnıkatsııalyq qoǵamnyń negizgi baǵyttaryn bilýi qajet.
Biliktilik talaptary qatarynda aǵymdaǵy áleýmettik-saıası oqıǵalardyń monıtorıngi men taldaý júrgize bilý, kopıraıtıngtik daǵdylary kórsetilgen.
Úmitker uıymdastyrýshylyq, stresstik tózimdilik, shyǵarmashylyq, jaýapkershilik jáne komandada jumys isteı bilý sekildi jeke qasıeti boly kerek.
Kastıng 19 sáýir kúni saǵat 17.00-de Nur-Sultan qalasy, Qonaev kóshesindegi 4 ǵımarat Kazmedıa ortalyǵynda ótedi.
Túıindemeni «Kastıng» taqyrybymen info@ortcom.kz poshtasyna joldaý kerek. Qosymsha suraqtarǵa jaýapty 8 (7172) 559338, 559333 nómirinen bilýge bolady.
