Ortalyq kommýnıkatsııalar qyzmeti brıfıngine 26 naýryzda Á.Báımenov qatysady
ASTANA. 25 naýryz. QazAqparat - Seısenbi, 26 naýryz kúni saǵat 12.00-de, Astanadaǵy «Qazmedıa ortalyǵy» ǵımaratynda QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev dástúrli aptalyq brıfıng ótkizedi.
Brıfıngke Memlekettik qyzmet isteri jónindegi agenttiktiń tóraǵasy Álıhan Baımenov qatysady dep josparlanýda. Bul týraly Baq.kz habarlaıdy.
Memleket basshysynyń tapsyrmasy boıynsha Qazaqstanda memlekettik qyzmet salasynda reforma júrgizilýde. 2013 jylǵy 26 naýryzda osy saladaǵy zańnamany jetildirýge baǵyttalǵan «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgertýler men tolyqtyrýlar engizý týraly» Zań kúshine enedi.
Ákimshilik reforma máseleleri týraly Álıhan Baımenovke qoıatyn saýaldaryńyz bolsa, #ortcom heshtegi boıynsha Ortalyq kommýnıkatsııalar qyzmetiniń tvıtter-akkaýntyna joldańyzdar. Saýaldar seısenbi, 26 naýryz kúni saǵat 10.00 deıin qabyldanady.
OKQ tvıtter-akkaýntynyń folloverleri qoıǵan jáne eń kóp «retvıt» alǵan saýaldardy resmı ókil brıfıng kezinde qoıady. Al qalǵan saýaldarǵa jaýap jazbasha túrde beriledi jáne ortcom.kz saıtynda jarııalanady.
Brıfıngke qatysý úshin BAQ ókilderi +7 7172 559338 telefony, nemese OKQ Front keńsesiniń - info@ortcom.kz elektrondyq adresi arqyly akkredıtatsııa jasaı alady. Beınekonferentsııa baılanysyna óńirlik BAQ jýrnalısteri shaqyrylady.
OKQ tvıtter-akkaýntyn, Facebook, Vkontakte áleýmettik jelilerindegi paraqtaryn qarap otyryńyzdar. Brıfıngtiń onlaın-taratylymyn 26 naýryz kúni Astana ýaqyty boıynsha saǵat 12.00-de Ortcom.kz saıtynan kóre alasyzdar.
