Ortalyq Qazaqstanda qar jaýdy
ASTANA. QazAqparat - Búgin tańerteń Jezqazǵan men Sátpaev qalalarynda qar jaýdy. Jergilikti turǵyndar tabıǵattyń tosyn minezin beınejazbaǵa túsirdi, dep habarlaıdy QazAqparat.
Búgin Ortalyq Qazaqstan turǵyndary qala kóshelerinen alǵashqy qardy kórdi. Ádette munda qar keshirek - qazan aıynyń sońynda, kóbine qarashada jaýatyn edi. Tańdanǵan turǵyndar aýa-raıy qubylysyn vıdeoǵa túsire bastady.
Dalada qalyń qar jaýyp tur.
Eske sala keteıik, Soltústik Qazaqstan oblysynyń Mamlıýt, Esil jáne Taıynsha aýdandarynyń turǵyndary búgin tańerteń turǵanda terezelerinen aınalany qar basyp qalǵanyn kórgen bolatyn.
