Ortalyq Eýropa ýaqytymen saǵat 15.00-degi jaǵdaı boıynsha Brıýsseldegi saılaýshylardyń 90 paıyzdan astamy daýys berdi
BRıÝSSELЬ. 3 sáýir. QazAqparat /Dımash Syzdyqov/ - Ortalyq Eýropa ýaqytymen saǵat 15.00-degi jaǵdaı boıynsha Brıýsseldegi saılaýshylardyń 90 paıyzdan astamy QR Prezıdentiniń kezekten tys saılaýynda óz tańdaýlaryn jasady..
Bul týraly Qazaqstan jýrnalısterine bergen suhbatynda №119-shy Brıýssel saılaý ýchaskesi ýchaskelik saılaý komıssııasynyń tóraǵasy Erjan Qystafın málim etti.
«Eń birinshi daýys berýshiler ortalyq-eýropalyq ýaqyt boıynsha saǵat 08.15-te keldi. Qazirgi tańda 250 qazaqstandyqtyń 230-y kelip daýys berdi, bul saılaýshyardyń 90 paıyzynan astamyn quraıdy. Biz azamattar saılaýǵa osylaı kóp keledi dep kútpegen edik», - deıdi Saılaý komıssııasynyń tóraǵasy.
Tirkelip, saılaý jáshikterine bıýlleten tastaý úshin adamdar kezek kútti. Alaıda barlyǵy jaqsy uıymdastyrylyp, qarbalassyz ótti. Tańdaýyn jasaǵan azamattar qazaqtyń ulttyq taǵamdary qoıylǵan dastarhannan dám tatty.
QazAqparat buǵan deıin habarlaǵandaı, Brıýsseldegi saılaý ýchaskesi Belgııa, Nıderlandy jáne Lıýksembýrg elderinde turyp jatqan nemese ýaqytsha júrgen qazaqstandyq saılaýshylardy qabyldaýda. Olardyń qatarynda - qazaqstandyq dıplomattar men olardyń otbasy músheleri, eýropalyq ınstıtýttarǵa tirkelgen jýrnalıster, zııaly qaýym, bıznes ókilderi jáne stýdent jastar bar.
Saılaý týraly zańǵa sáıkes, Brıýsselde daýys berý ortalyq- eýropalyq ýaqyt boıynsha saǵat 20.00-ge deıin jalǵasady. Daýys berý aıaqtalyp, jınalǵan daýys sanalǵan soń QR Ortalyq saılaý komıssııasyna sáıkes hattama jóneltiledi.
