Ortalyq bazarda bolǵan órt kezinde Almaty polıtseıleri alty uryny ustady
ALMATY. 18 qarasha. QazAqparat - Ortalyq bazardaǵy órt kezinde Almaty polıtseıleri alty uryny qolǵa túsirdi,
dep habarlady qalanyń ІІD baspasóz qyzmetinen.
Ustalǵandardyń arasynda Ózbekstannyń eki azamaty bar. Olar bazarda ár túrli jumystardy atqarǵan. Tańerteńgi 7:30 kezinde álgiler «Aral» bazaryndaǵy konteınerlerdiń birinen 250 myń teńgeniń taýaryn jymqyrǵan.
«Sýyq qoldylardy ýchaske ınspektory baıqap qalǵan. Ol kúdikti adamdardy teksergen. Taýarlardy bazardy syrt jaǵyndaǵy jeńil kólikke tıep jatqan qaraqshylar bul zattardyń ózderiniki ekendigin dáleldeı almaǵan. Taǵy eki kúdiktini krımınaldyq polıtsııa bóliminiń qyzmetkerleri ustady. 36 jáne 30 jastaǵy eki er adam «Qulager» bazaryndaǵy satý núkteleriniń birine kirip, urlyq jasaǵan. Olardan kelgen zalal mólsheri 40 myń teńgeni qurady», - dep habarlady Alataý aýdany ishki ister basqarmasynyń basshysy, polıtsııa polkovnıgi Erlan Oralbekov.
Taǵy bir uryny tártip saqshylary Zarıa Vostoka kentindegi ortalyq kıim-keshek bazarynan quryqtady. Er adam óziniń jaldap turatyn páterinde «Qulager» bazaryndaǵy konteınerden urlanǵan zattardy saqtaǵan. Joǵaryda atalǵan barlyq faktiler boıynsha qylmystyq ister qozǵaldy.
