Ortalyq Azııanyń qaýipsizdik kórsetkishi anyqtaldy
ALMATY. Jeltoqsannyń 1-i. QazAqparat /Názıra Eleýhan/ - Búgin Almatyda Saıası sheshimder ınstıtýty bıylǵy jyldyń úshinshi toqsanynda júrgizgen «Ortalyq Azııanyń qaýipsizdik kórsetkishi» jobasynyń qorytyndysyn usyndy,
dep habarlaıdy QazAqparat.
Jobalyq zertteý qaýipsizdiktiń saıası, áskerı, ekonomıkalyq, áleýmettik-mádenı, ekologııalyq sektory boıynsha júrgizilgen. Zertteý «ıvent-taldaý» (Ortalyq Azııaǵa tikeleı qatysty oqıǵalardy tirkeý) jáne «Delfı» ádisi boıynsha júrgizilip, saraptalynǵan. Zertteýge Qazaqstan, Qyrǵyzstan, Tájikstan, Ózbekstan, Reseı elderinen 28 sarapshy qatystyrylǵan. Olarǵa 3-shi toqsan aralyǵynda ótken 55 oqıǵa usynylǵan.
Delfı ádisimen saraptaý nátıjesinde ekonomıkalyq sektordaǵy qaýipsizdik 30 paıyzdyq kórsetkishpen aldyńǵy qatardaǵy oryndy alǵan. Áskerı jáne saıası sektorlar 20 paıyzdy qurasa, áleýmettik-mádenı jáne ekologııalyq sektorlary 15 paıyzdy quraǵan. Ortalyq Azııa qaýipsizdiginiń kórsetkishi 129.5 baptan turatyn mánge ıe boldy.
Saıası sheshimder ınstıtýtynyń konsaltıng jáne saraptama boıynsha dırektory Rústem Býrnashevtyń aıtýynsha, erkin taldaý, sarapshylardyń áleýmettik-mádenı sektordaǵy jáne onyń tóńiregindegi jaǵdaıatty onsha baǵalamaǵanyn anyqtaǵan. Sarapshylardyń nazaryna bıylǵy jyldyń 3-shi toqsanyndaǵy oqıǵalardyń ishinde oryn alǵan mıgratsııaǵa qatysty Tájikstan men Ózbekstan shekarasyndaǵy tártipsizdikter, shilde aıynda Dýshanbede bolǵan jarylystar, sonymen birge Tájikstandaǵy jylsaıynǵy "Kóknár" operatsııasynyń júrgizilýi ilikken. Sarapshylar ekonomıka sektoryndaǵy kúzgi-qysqy merzimde Ózbekstannan Tájikstanǵa elektrenergııasyn tasymaldaý týraly kelisimge qol qoıýdy eń mańyzdy oqıǵa retinde baǵalap, Ortalyq Azııadaǵy saıası protsesterge oń baǵa bergen. Áskerı sektordaǵy Ózbekstan men Tájikstan elderi aralyǵyndaǵy shekaranyń jabylýy bul sektordaǵy teris baǵalanǵan oqıǵa retinde tirkelgen. Aımaqtaǵy ekologııalyq máseleler jıyntyǵy belsendiligi jaǵynan eń tómen sektor bolyp otyr.
